香港培英中学怎么样

问题描述

精选答案

沙田培英中學，創立於1978年，係一間位於沙田嘅band 1男女中學，以英語作為主要教學語言，沙田培英中學嘅教學願景係採用預防教育法，藉理智、宗教、愛心培育學生，營造充滿愛與關懷之環境，使學生在道德及知識上均衡發展。

沙田培英中學著重兩文三語教學，學校為了大力提高學生嘅英語水平，因此取錄外國學生，以增強學生嘅英語交流，另外更常舉行英語音樂劇訓練營、英語辯論比賽、英語音樂劇系列活動，從而加強學生嘅英語溝通能力。學校除左著重英語，同時都著重學生中文水平，舉辦中文青年論壇、新詩講座、故事寫作班等活動，從而增強學生對中文嘅興趣。此外，沙田培英中學推行資優教育，設有「資優教育組」，主力於科學、數學、科技、人文學和藝術五個方面，培育對呢幾方面有興趣嘅資優學生。除此之外，學校更會因材施教，因應學生嘅學習能力差異，為唔同能力嘅學生提供中英數嘅「拔尖班」及「培苗班」，希望能夠提升學生整體成績。培英中學除左著重學業成績外，同樣都著重課外活動發展，更係中一級推行「一人一樂器」政策，校內亦成立樂器訓練班及詩歌班等。另外，學校更設有攝影社﹑美術學會及影音組提供舞台設計及音響訓練，可見培英中學著重學生嘅藝術發展。為左提升學生嘅國際視野，學校會安排學生參加內地及海外考察團，例如英國﹑澳洲和新加坡。